नांदेड (प्रतिनिधी) :- जिल्हा परिषद विभागाच्यावतीने राजर्षी शाहू महाराज ज्येष्ठ साहित्यीक व कलावंत मानधन सन्मान योजना सन 2023-24, 2024-25 व 2025-26 मधील पात्र लाभार्थ्यांचा कला सादरीकरण कार्यक्रम जिल्हाधिकारी कार्यालयातील नियोजन भवन येथे 4 ते 8 मे 2026 कालावधीत तालुकानिहाय सकाळी 10 ते सायं. 5 या वेळेत आयोजित करण्यात आला आहे. त्यानंतर वृद्ध कलावंताची अंतिम निवड केली जाणार आहे. जिल्ह्यातील सर्व पात्र लाभार्थ्यांनी याची नोंद घ्यावी, असे आवाहन जिल्हा परिषदेचे उपमुख्य कार्यकारी अधिकारी (पंचायत) तथा राजर्षी शाहू महाराज ज्येष्ठ साहित्यीक व कलावंत मानधन सन्मान योजनेचे सदस्य सचिव यांनी केले आहे.
तालुका निहाय सादरीकरणाचा तपशील पुढीलप्रमाणे राहील. सोमवार 4 मे 2026 रोजी अर्धापूर, मुदखेड, नांदेड, भोकर. मंगळवार 5 मे रोजी नायगाव, बिलोली, उमरी, हिमायतनगर. बुधवार 6 मे रोजी लोहा, कंधार, देगलूर, मुखेड तर गुरुवार 7 मे रोजी हदगाव, किनवट, माहूर, धर्माबाद याप्रमाणे राहील. या सादरीकरणास काही करणामुळे येऊ न शकलेल्या सर्व तालुक्यातील लार्थ्यांसाठी शुक्रवार 8 मे 2026 रोजी राखीव राहील.
